“Aurrekoan emandako hausnarketak oinarri hartuta praktikara salto egiteko bitartekoak sortzera goaz”
Bigarrenez burutuko dituzte aurten Arabako Gazte Feministon Topaketak. Arabako hainbat gazte talde feministek antolatu dute ekimena otsailaren 17an Zuiako Gaztetxean. Egitarau oparoa antolatu dute esku artean dituzten hausnarketa eta korapiloak askatzeko asmoarekin. Negeakeko kide diren Izaro Arbe eta Lierni Balanzategi elkarrizketatu dituzte Zebrabidean, topaketen nondik norakoen berri emanez.
Lau eduki nagusi landuko dituzte 10:30etan hasiko diren topaketetan:
- Borroka moldeen eta kriminalizazioaren lantzea, guztion artean esperientziak elkarbanatu eta ikasteko.
- Zaintza eta botere harremanen inguruko lanketa.
- Iruditegi feminista baten sortzea, kalean eguenro erabiltzen ditugun leloak, irudiak, praktikak… konpartituz.
- Arabako neska gazte feminista bezala dugun diskurtsoan sakontzea.
Neska gaztez osatutako eragileen arteko aliantzetan sakontzeko ere erabiliko dute eguna. Hori bai, dena ez da hausnarketa eta formakuntza izango: aisialdirako tartea izango dute bertaratutakoek. Izena emateko: arabagaztefem@gmail.com
-
Erredakzioa: "Aurrekoan emandako hausnarketak oinarri hartuta praktikara salto egiteko bitartekoak sortzera goaz"??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
