ARGAZKI GALERIA | Erronkei gogoz erantzuteko nahia erakutsi du GEU elkarteak
Jimmy Jazz aretoan ospatutako ekitaldian GEU elkarteak ikasturteari hasiera emateko ospakizuna egin du dozenaka lagunen babesean. through Alea.eus
Argazkia: Alea
Erronkaz beteta dator 20/21 ikasturtea GEU Elkartearentzat: Mintzalaguna, Irakurle Kluba, GEUrekin Mendira, Begi Belarri ikus-entzunezko emanaldiak, Igandeak Jai familientzako saioak… Covid-19ak eragindako osasun egoera dela eta, segurtasun arauak bermatzeko ahalegina egin beharko dute, baina urteroko plangintza aurrera eramango du ikasturte honetan ere.
Hain zuzen, ikasturte berriari hasiera emateko, dozenaka lagunek babestuta, ospakizuna antolatu du GEU Elkarteak Jimmy Jazz aretoan. Segurtasun neurri guztiak hartuta, baina elkartearen lana eskertzen duten herritarren berotasunak lagunduta, giro onean ospatu dute ikasturte aldrebes honen hasiera.
Gogoratu dutenez, martxoan hasitako etxealdian zehar, GEU elkarteak bere egitasmoak moldatu eta birformulatu behar izan zituen, eta, udan, diru bilketa edo crowdfunding kanpaina bat abiatu zuten, aurten GEU Txosnarik ez egoteak eragindako oztopo ekonomikoei aurre egiteko. “Orain, ikasturte berria martxan dago, eta ilusioz ekin nahi diogu erronka berriei”, ospatu dute GEUko kideek.
Argazki galeria
-
- Argazkia: Alea
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
