Arabako Gazte Feministon II. Topaketak ospatuko dituzte Zuian
Aurreko urteko esperientziatik tiraka, lau gai nagusi landuko dituzte otsailaren 17ko jardunaldietan.
2017ko Arabako gazte Feministon I. Topaketen arrakastaren ostean, bigarren edizioa ospatuko dute herrialdeko gazte eragile feministek elkarlanean. Aurreko urtean Amurrioko Gaztetxean ospatutako edizioa arrakastatsua izan bazen, otsailaren 17an burutuko diren topaketak berdina izatea espero dute antolatzaileek.
2018an Gorbeialdeara doaz: Zuiako Gaztetxean izango dira Arabako neska gazte eragileen arteko elkar ezagutza eta saretze espazioa helburu duten jardunaldiak.
Lau eduki nagusi landuko dituzte 10:30etan hasiko diren topaketetan:
- Borroka moldeen eta kriminalizazioaren lantzea, guztion artean esperientziak elkarbanatu eta ikasteko.
- Zaintza eta botere harremanen inguruko lanketa.
- Iruditegi feminista baten sortzea, kalean eguenro erabiltzen ditugun leloak, irudiak, praktikak… konpartituz.
- Arabako neska gazte feminista bezala dugun diskurtsoan sakontzea.
Neska gaztez osatutako eragileen arteko aliantzetan sakontzeko ere erabiliko dute eguna. Hori bai, dena ez da hausnarketa eta formakuntza izango: aisialdirako tartea izango dute bertaratutakoek. Izena emateko: arabagaztefem@gmail.com
Egitaraua
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
