Aldaiaberri Guraso Elkarteak manifestazioa burutu du auzoko ikastetxea eraiki dezaten eskatzeko
Herritar ugari bildu dira gaur eguerdian Gasteizen deialdiarekin bat eginez.
Jokin Bildarratz Hezkuntzako sailburuak komunikabideetan adierazitakoaren arabera, Aldaialdeko eskolaren prozesua egoera juridiko zailean dago. Ondorioz, Hezkuntza Sailak ez du ikusten ikastetxea eraikitzeko irtenbiderik epe laburrean.
Guraso Elkarteak, aldiz, duela urtebete Eusko Jaurlaritzak legezko ezein gaik ikastetxea eraikitzea galaraz ez zezan dena prest zegoela baieztatu ziela salatu du.
Gaurko mobilizazioan salatu dutenez, auzoko ikasleek bost urte eman dituzte barrakoietan ikasten, eta Hezkuntzako sailburuaren adierazpenek haserrea eta etsipena eragin diete familiei. Haurrek baldintza horietan jarraitzea merezi ez dutela adierazi dute eta egoera desblokeatzeko borrokan jarraitzeko konpromisoan berretsi dira.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
