Aitor Lopez (Berriztu): “Urtaran bakarrik geratu da PNVko estrategia energetikoarekin”
Larunbatean, abenduaren 19an, elkarretaratzea deitu du Berriztuk "Erregai fosilei atea ixteko".
Armentia 2n gasa erauzteko mehatxuak bere horretan darrai oraindik, Gorka Urtaran alkateak ikertzen eta zundaketak egiten jarraitzeko adostasuna azaldu ondoren. Berriztuk, udaleko oposizio osoarekin batera, gasa erauzteko proiektua bertan behera utzi dezala eskatu zion atzo egindako prentsaurrekoan.
Berriztuko Aitor Lopez izan dugu gurean, proiektu honen arriskuak eta egungo egoera azaltzeko, eta mobilizatzeko deia egin du. Larunbatean, eguerdiko 12.00etan Gasteizko Plaza Berrian elkarretaratzea deitu dute beste eredu energetiko baten alde, “Atea itxi erregai fosilei” lelopean.
Elkarrizketa osoa hemen entzungai.
-
Hizpidea: Aitor Lopez (Berriztu): "Urtaran bakarrik geratu da PNVko estrategia energetikoarekin"00:12:53
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
