Ekialde Hurbileko Geopolitika Zikloa – Mundu islamikoa, mundu arabiarra eta ekialde hurbila
Ekialde Hurbileko Geopolitikari buruzko ziklo bat hasi dugu Hizpidean, Gorka Menendezen eskutik. Sei zatitan banatuko dugu ziklo hau, hilabetean behin jasoko ditugun kolaborazioetan. Gaur egungo Ekialde Hurbila ulertzeko gako ugari emango dizkigu Gorkak ziklo honetan.
Lehenengo saiorako, kokapen bezala, mundu islamikoa, mundu arabiarra eta Ekialde Hurbila desberdinduko ditugu, askotan elkarren artean nahasten diren kontzeptuak direlako. Hiru kategoria hauen ezaugarriak eta elkarren artean dauzkaten loturak aztertuko ditugu.
Hurrengo saiorako, gaur egungo Ekialde Hurbileko mapa politikoa ulertzeko gakoak emango ditugu, egungo herrialdeen jatorria aztertuta, otomandar inperiotik abiatuta gaur egun arte. Aurrerago hitz egingo dugu OTANen ardatzaz, Iranen ardatz antiinperialistaz, Kurdistanez, eta ordura arte ikasitako guztiarekin, Siriako Gerra ulertzen saiatuko gara azken saioan.
Hemen entzungai zikloaren lehenengo atala: Mundu islamikoa, mundu arabiarra eta ekialde hurbila.
-
Hizpidea: Ekialde Hurbileko Geopolitika Zikloa - Mundu islamikoa, mundu arabiarra eta ekialde hurbila??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
