Archived: Hala Bediren aurkezpen ofiziala Aramaion
Ostiral honetan Hala Bediren aurkezpen ofiziala izango da. 19:00etan herriko enparantzatik hasita bertso poteoa izango da herriko trikitilariekin batera. Bertsotan Xabi Igoa, Jokin Labaiyen, Andere Arriolabengoa eta Iker Agirre egongo dira, eta bertso jartzaile gisa Manex Agirre Aramaiotarra. Bertso poteoaren ondoren Lunch-a izango da Zubiondo elkartean. Bertsoekin ardoari zuku hobea aterako diogu. 
Hala Bediren aurkezpen honekin bazkide kanpaina ere martxan jartzen da. Helburua Aramaioko emisio gastuak Aramaiotarren artean ordaintzea litzateke, honela emisioa epe luzera bermatzeko. Halabelarri (bazkide) egiteko txartelak banatu eta buzoi bat ipiniko da Halabelarri eskaerak biltzeko. Halabelarri egiteko ere aukera badago web orri honetako “bazkide” atalean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
