El Drogas, Kaotiko, Zea Mays eta Gatibu izango dira Lapuebla Rock jaialdian
Lapuebla Rockaren kartela itxi dute. El Drogas, Kaotiko, Zea Mays, Planeta Def, Tobogan, Riot Propaganda, Gatibu, Doctor Deseo, Eskorbuto, Flitter eta Eh Mertxe! taldeak izango dira ekainaren 29an eta 30ean Lapuebla de Labarcan.
Ekainaren 29an El Drogas, Kaotiko, Zea Mays, Planeta Def eta Tobogan taldeek joko dute. 30ean, berriz, Riot Propaganda, Gatibu, Doctor Deseo, Eskorbuto, Flitter eta EH! Mertxe taldeen aukera izango da. Iazko estreinaldiaren arrakastari helduta, bigarren edizio hau antolatzea erabaki du Lapuebla Rock Fest jaialdiko sustatzaileak, Errioxako Panpano enpresak.
Iaz, eguraldi nahasia egin zuen arren, ehunka musikazale bildu zituen hitzorduak. Arabako Errioxako jaialdi gazteak Gasteizko Azkenaren lekukoa hartuko du bigarren aldiz, eskualdeko eta inguruko rock, rap, reggae eta ska zaleen egutegian finkatzeko xedez.
Sarrerak dagoeneko salgai jarri dituzte. 23 euro balio du egun bakoitzeko sarrerak, eta 35 euro bi egunekoa.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
