Irain arrazistak Oion Arenan
Otsailaren 4an, Villegas taldeko Christian Borikó jokalariak Oyonesa taldeko zaleen irain arrazistak jasan behar izan zituela salatu du sare sozialetan.
Oyonesa Oion herriko futbol taldea da, gaur egun Errioxako hirugarren mailan jokatzen duena. Otsailaren 4an, Villegas taldearen aurka jokatu zuen Oionen bertan, baina ez partida ez zen behar bezala amaitu.
Villegas taldeko Christian Borikó jokalariak gogor egin du Oyonesa taldeko zaleen aurka. Izan ere, irain arrazistak jasan behar izan zituen Oion Arena zelaian.
“Zelaiaren alboan etengabe iraindu ninduten zaleak egon ziren. Hasiera batean, beste taldekide batekin hasi ziren, Victor Lopezekin. Atsedenaldia pasata, Lopez beste albora joan zen eta Christian Borikók jasan behar izan zituen irainak 45 minutuz”, azaldu dute Villegas taldeko kideek. “Zelaietatik kanporatuak izan behar dira”, salatu dute.
Borikók berak ere salaketa sare sozialetan zabaldu zuen. “Tximino” deitu ziotela salatu eta “horrelakorik inoiz jasan ez izana” salatu du.
Salaketa publiko egin bezain laster, Oyonesa taldeak barkamenak eskatu dizkio jokalariari. Jokalariak ere, barkamenak onartu ditu, baina ez printzipioz ez dute neurririk hartuko.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
