Armentia-2 putzua ustiatzeko lehiaketa bertan behera utzi dute
“Interes orokorreko” arrazoiak aipatu dituzte agirian.
alea.eus bidez
SHESA Euskadiko Hidrokarburoen Erakunde Publikoak bertan behera utzi du Armentia-2 putzua ustiatzeko lanen lizitazioa, Europako Batasuneko esleipenen webgunean (TED) agertutako iragarki baten arabera.
Lehiaketa iazko azaroan argitaratu zuten, eta orain bertan behera utzi behar izan dute. Agirian zehazten denez, “prozedura eten egin da”. Horren arrazoia ez dute eman, baina SHESAk “interes orokorreko arrazoiak” direla eta, kontratuaren gauzatzeari uko egiten diola zehaztu du.
Lehiaketaren helburua zen Armentia-2 putzuko zundaketa, “eta iraupen gutxiko probak egiteko beharrezkoak diren zerbitzu eta materialen horniketa ziurtatzea”.
Maiatzaren 18an jakin zen Jaurlaritzak Armentia-2 putzuaren ingurumen inpaktuko txostena egin behar zuela, Espainiako Ingurumen Ministerioak hala eskatuta. Berriztu mugimenduak orduan nabarmendu zuenez, erabaki horrek epeak luzatzea ekarriko zuen, proiektuaren inguruko kezkak azaltzeko aukera emango zuen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
