Eraso matxista ezberdinen berri izan du Txagorritxuko Tirrintzi talde feministak
Gasteizko Txagorritxu auzoko Tirrintzi talde feministak jakinarazi duenez, emakume ezberdinek ezaugarri ezberdinetako eraso matxisten berri eman diete. Eraso guztiak eraman ditu aurrera erasotzaile jakin batek: “Gizon berdinak egin ditu erasoak, kasu askotan, bizikleta batekin lagunduta”.
Tirrintzik jakinarazi duenez, gizona emakume ezberdinengana hurbildu, kale baten izenaz galdetu (Madril kalearen inguruan galdetu du, besteak beste), eta orduan, bere mugikorra eskaintzen du, besteak beste, “laguntza prozesua errazteko asmoz”. Emakumearen laguntza jasotzen duen bitartean, gorputza emakumeengana hurbiltzen du, igurtziz.
“Egoera nazkagarri” honen aurrean, talde feministatik egoera jazan edo ikusiz gero, haiekin harremanetan jartzeko deia egin dute, “erantzun bat antolatzerako bidean informazio gehiago izateko”. Email dute horretarako: txagokotaldefeminista@gmail.com
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
