HERRI DENDA IREKITA DAGO GASTEIZEN: HERRI MUGIMENDUEN ELKARGUNEA
Parte hartzen ari diren kolektiboen artean, honako hauek aurkitzen dira: Presoen lagunak, Sare, Sortu, Ongi Etorri Errefuxiatuak, Araba Bizirik, Ikama, Ernai, Askapena, Hala Bedi Irratia, Euskal Herrian Euskaraz, Bilgune Feminista eta beste asko. Kolektibo bakoitzak bere ikuspegiak eta proiektuak ekartzen ditu espazio honetara, herri mugimenduaren borrokak eta aldarrikapenak ikusgai jartzeko helburuz.
ORDUTEGIAK ETA EKINTZAK
Herri denda astelehenetik ostegunera egongo da irekita, 17:30etik 20:30era. Ostiraletan ordutegia 21:30era arte luzatuko da, eta asteburuetan goizez ere zabalduko dute, 12:30etik 15:00etara. Larunbatetan arratsaldean ere zabalik egongo da, 21:30ak arte.
Herri dendaren helburua ez da erakusketa eta salmentarako gune bat eskaintzea soilik, baizik eta elkarlanerako sareak sortzea eta gizarte bidezkoago eta solidarioago baten alde lanean ari diren ekimenak ezagutaraztea.
Hala Beditik Gasteizko eta inguruko herritar guztiak animatu nahi ditugu Herri dendara gerturatzera eta herri mugimenduen elkargune paregabe hau ezagutzera.
Helbidea: Aiztogile kalea, 35, behea, 01001 (Gasteiz).
Ez galdu aukera!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
