Karlos (Euskal Herria – Donbass elkartasun komitea): “Blokeo informatiboa haustea, elkartasuna adieraztea eta laguntza humanitarioa eramateko helburua du Karabana antifaxistak.”
Euskal Herria - Donbass elkartasun komiteak Donbasseko haurrentzako dirua, eskola materiala eta medikamentuak jasotzeko kanpaina jarri du martxan.
Euskal Herria-Donbass Elkartasun Komiteak, Karabana Antifaxistarekin batera abian jarri duen diru- eta material-bilketa kanpainaren berri du. Donbasseko gerra-eremuetan bizi diren haurrei eta umezurztegietan eta urritasunak dituzten haurrentzako zentroetan bizi diren umeei zein osasun-zentroetan dauden gaixoei laguntza humanitarioa emango die, aspalditik duten elkarlanari segida emanez. Bildutako diruarekin, eskola materiala eta material pedagogikoa erosteaz gain, ikasgelak egokitu, erietxeetan medikuntza-material berria erosi eta Ukrainako Armadaren bonbek suntsitu dituzten instalazioak berreraiki ahal izango dituzte.
Euskal Herritik bidaltzen duten laguntzak berebiziko garrantzia dute, eta hori biltzeko kolektibo zein norbanakoren laguntzarekin bildu behar dute. Elkartasun horri esker, Donbasseko haurrek, babestuko dituen eta etorkizun hobe bat eraikitzen lagunduko dien gune seguru bat izango dute. Asmo iraultzaile horrekin, eta Donbassen benetako bakea lortzeko bidean beste urrats bat emateko intentzioz, Donbasseko umeekin elkartasuna adierazteko ekintzak antolatu edo hauetan parte hartzeko deia luzatzen dute.
Hemen entzungai.
-
Hizpidea: Karlos (Euskal Herria - Donbass elkartasun komitea): "Blokeo informatiboa haustea, elkartasuna adieraztea eta laguntza humanitarioa eramateko helburua du Karabana antifaxistak."00:23:25
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
