4000€ isunetan, Laudioko gaztetxearen desalojoaren aurka protesta egitearren
Ekainaren 13a Laudioko Gaztetxea husteko agindutako azken eguna zen, eta desalojo data eta ordu zehatzik gabe, protesta egitea erabaki zuen gazte asanbladak. Dozenaka lagun elkartu ziren goizean goizetik elkartasuna adierazteko. Orain, gaztetxeak salatu du azken asteetan isunak iritsi direla, eta guztira 4000€ eskatzen dute.
Ekainetik hona Udalak gaztetxea hesitu duela eta parkeko obrak atzeraetuko dituela ere esan dute gaztetxeko kideek. Duela bi urte, Laudioko Lamuza parkean obrak hasi zituen Foru Aldundiak. Udalak parkean dauden espazio guztiak hustu zituen, Gaztetxea barne. Obrak «etengabe» luzatzen zirela ikusita eta espazioa berriro erabili ahalko duten bermerik gabe, atondu eta berriro ireki zuten otsailean gaztetxea.
Udalak, gaztetxearen ustez, “ez du parkeko kolektiboak birkolokatzeko asmorik izan” eta ez die espazio berrien antolaketan esku hartzen utzi.
Isunen aurkako kanpaina abiatuko dute.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
