Auzoan Bizi Etxebizitza Sindikatuak eta Ramon Bajo eskolako komunitateak bi adin txikiko dituen familia bat etxegabetua izateko arriskuan dagoela salatu dute. Desalojoa uztailaren 9rako zegoen ezarrita, baina «auzo antolakuntzari» esker, irailaren 25era atzeratzea lortu dute.
Gasteizko zenbait eragile kalera atera ziren atzo, LGTBIQ+ Komunitatearen Nazioarteko Egunean, “Autoritarismo arrazistaren aurrean kuir antolakuntza” lemapean. “Bazterretan bizi diren kolektiboek” azaldu dutenez, euren kontrako oldarraldi batean gaude, autoritarismoa eta militarizazioa hedatzen diren bitartean.
Ehunka lagunek babestu dituzte Euskal Udalekuak Gasteizko Foruen plazan egindako agerraldian. Bernedoko udalekuak ixteko presioa salatu dute, eta abuztuaren 29rako jaialdia iragarri dute jasandako erasoei erantzuna emateko.
Euskal Herriko 180 eragile baino gehiagok deitu dute bihar Bilbon egingo den manifestazioa, 17:30etan, Plaza Eliptikotik. Eusko Jaurlaritzaren “kriminalizazioaren aurka eta eskubide zibil eta politikoen defentsa” aldarrikatzeko egingo dute mobilizazioa. Gaur goizean aurkeztu dute deialdia Gasteizko Legebiltzarraren aurrean.
Ekintzaren bideoa jaso du Hala Bedik.
Lehbib Mohamed Abdelaziz, Fronte Polisarioko idazkaritza nazionaleko kidea, eta beste bi gazte erail ditu Marokok, estatu sionistaren gisako metodoak erabiliz. Saharar diasporako elkarteek erasoa eta Marokoren zigorgabetasuna salatu dituzte.
Rosalind Nashashibi artista palestinarrarena aurkezpenean zegoela, publikoko emakume batek esan dio «bateraezina» dela Flotillako kideei Ertzaintzak emandako jarreraren «erantzule» izanda, Palestinaren aldeko ekitaldi horretan egotea. Horren ostean, sailburuak, publikoaren kexen artean, ekitaldia utzi behar izan du.
Argibide eta Kontrolerako agente lanposturako deialdian, euskarazko azterketan, 100 galderatatik 36tan akats bat edo gehiago zeuden. Beste zenbait deialdiren azterketetan ere akatsak zeudela adierazi diote ARGIAri lan eskaintza publikoan parte hartu duten zenbait herritarrek, eta ohikoa dela, oro har, akatsak topatzea lan deialdi publikoen euskarazko azterketetan. ARGIAren galderei erantzunda, udalak, akatsak onartu ditu. Gaztelania hutsean helarazitako mezuan, adierazi du akatsak ez zirela gertatu behar, baina nabarmendu du LEParen bolumen handiak horiek gertatzea ekarri dezakeela.
Gasteizko Txosnetako egitarau osoa aurkeztu dute. Aurten 45 ikuskizun baino gehiago izango dira txosnagunean.
Ukabilez Kolpe ekimenaren laugarren edizioa antolatu dute larunbat honetarako Gasteizen. Honen inguruan hitz egin dugu antolatzaileekin.
Txosna Batzordeak GKSri eta Etxebizitza Sindikatuari txosnetan parte hartzeko aukera ukatu diela salatu dute. Batzordeari zuzendutako gutun batean txosnagunea espazio ireki, plural, horizontal eta autogestionatua dela aldarrikatu eta konponbide baten aldeko kontsentsua sustatzen jarraituko dutela adierazi dute.
Gasteizko Udalak 54 lan eskaintza publiko egin ditu maiatzean. Apirilean, Funtzio Publikoaren Sailak mezua bidali zien azterketak euskaraz egitea hautatu zuten herritar guztiei, gazteleraz egiteko aukera zutela jakinaraziz, «prestaketa berme guztiekin egin ahal izateko». Izan ere, ikasmaterialaren gehiengoa gaztelera hutsean dago. Azterketa euskaraz egin nahi duten herritarren “eskubideei muzin” egin zaiela salatu du hautagai batek, eta kexa aurkeztu du udalean zein Hizkuntz Eskubideen Behatokian. ARGIAk udalaren azalpenak eskuratu ditu, eta hautagai horrekin zein Behatokiko zuzendari Agurne Gaubekarekin hitz egin du.
Mobilizazioa egin zuten Adurtzan “Arrazakeria eta faxismoari ateak ixtea” aldarrikatzeko Gasteizko zenbait eragilek. Larunbatean, arratsaldeko 18:00tarako Hegoalden mezu arrazistekin deitutako asanblada bat zegon deitua, zenbait eragile horren aurrean mobilizatu dira.
Gasteizko hainbat eragilek arrazakeriari eta faxismoari aurre egiteko deia egin dute, azken asteetako kriminalizazio kanpaina salatuz. Mobilizazio bat deitu dute larunbat honetarako.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
