Trailer HALABEDITARAP | Markes Iraizoz & Ziakhus
Igande honetan, uztailaren 8an, 20.30etatik aurrera, HalaBeditaRAPeko edizio berri batek argia ikusiko du, oraingoan solasaldi formatuan: Markes Iraizoz eta Ziakhus bildu ditugu, azken honek kaleratu berri duen ‘Abdukzioa’ maketa aitzaki hartuta. Bitartean, hona hemen HalaBeditaRAP berri honen trailerra:
Gaztea bai, baina sortzaile nekaezina eta eszena berriko sustatzailea dugu Ziakhus. Aspaldiko ezaguna, gainera, etxe honetan, ‘Squat Kapitala’ (HalabeditaRAP) edo ‘Propedeutika’ (2017) lanak direla medio. Bestalde, Kodigo Norte rap talde klasikoko kidea, Gasteizko rap eszenako beteranoa eta Hala Bediko ‘Arima Beltza’ irratsaioko sortzailea da Markes.
Solasaldi interesgarri honetan, Ziakhusen ibilbidea, musika sortzeko grina eta jasotako eraginak izan dituzte hizpide, besteak beste. Horretaz gain, Gasteizko, Euskal Herriko zein nazioarteko rap eszena ere aztertu dituzte, beste hainbat gaietan ere sakonduz. Guzti hau gutxi balitz, bere aurpegia ezagutarazi berri duen rapero kaputxadun misteriotsuak, argitaratu gabeko kantu berri bat a capella eskeini du Hala Bideoko kamararen aurrean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
