HALA BIDEO | 2020-2021 parrillaren aurkezpena
Larunbatean aurkeztu zuen Hala Bedik ikasturte berriko programazioa Hala Bedi tabernatik eskainitako zuzeneko irratsaio berezian. Eguna borobiltzeko Jimmy Jazz aretoa goraino bete zuten No name: Tiriti!, Lepora eta Haizea x Ningra x DJ X taldeen kontzertuek.
Ohiko magazinetaz gain -Hizpidea, Suelta la Olla eta Zebrabidea-, 43 irratsaio propio izango dituzue entzungai, 2020-2021 ikasturtean, Hala Bediren uhinetan.
Urtero egin ohi dugun moduan, aurten ere, gure ikasturte honetako nobedadeak aurkezteko Parrillada jaia antolatu genuen pasaden larunbatean, urriak 17, Aiztogile kaleko Hala Bedi tabernan. Eguerdiko 11etan hasita, ikasturteko nobedadeak ezagutzeko gonbidatuz betetako zuzeneko irratsaioa egin zen tabernatik bertatik. Eta gauean, Jimmy Jazz aretoan No Name: Tiriti!, Lepora eta Haizea x Ningra x Dj X taldeen kontzertuak izan genituen eguna borobiltzeko
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
