LABen ekimen ibiltaria Araban, lan eta bizitza duina erdigunean jartzeko
Azaroaren 10ean eta 11n Gasteizen egongo da “Lan duina, bizi duina” lemapeko ekimena. Laudion, Agurainen eta Oionen ere egongo dira azaroa eta abendua bitartean.
Martxan da LAB sindikatuak antolatutako Ekimen Ibiltaria. Behin abiatuta, Euskal Herri osoa zeharkatuko du abenduaren 6a bitartean, tartean, Arabako eskualde ezberdinetatik igaroz.
Lanaren eta bizitzaren prekarizazioari aurre egiteko proposamena da hau eta hor jarri nahi izan dute indarra sindikatutik: “Lan harremanen prekarizazioaren kontrako borrokan sakontzearekin batera, LABen eskaintzak eta praktika sindikalak une honetan soldatapeko lana duten langileen behar izanei erantzutea baino harago joan behar dute. Langilego osoaren errealitateari erreparatzen diogu. Guzti guztiak ditugu buruan”.
“Lan duina, bizi duina”, hori da sindikatuak erabiliko duen leloa. “Garaia da bizitzaren sostengarritasuna erdigunean jarriko duen eredua eraikitzeko, eta hala aldarrikatuko dugu herriz herri, eskualdez eskualde”, adierazi du LABek.
Proposamen ezberdinak kolektibo desberdinei helarazi nahi dizkiete. Horretarako, karpa bat jarriko dute, jendea gerturatzeko, eskaintzak ezagutzeko eta materiala elkarbanatzeko.
Aldi berean, langile klasea bere osotasunean kontutan hartu nahi dute eta ohiko sindikalgintza ereduarekin identifikatzen ez diren kolektiboei eskua luzatu diete: “Lehenik egoeraren kontzientzia hartu behar dugu. Prekarietatean bizitzera kondenatu nahi gaituzte, baina hori ez da normala, badago nahikoa diru guztioi bizitza duina bermatzeko. Bigarrenik, borrokara batzeko eskaintza egiten dugu, aktibatu eta mobilizatu behar dugu. Kolektibo bakoitzari borroka eskaintza espezifiko bat egingo diogu, bere errealitatetik abiatua eta bere errealitatea iraultzeko”.
Eskualdez eskualde, Araban ere bai
Azaroaren 10ean eta 11n, Gasteizen egongo da ekimen ibiltaria. Ostean, 13an, Oionera abiatuko da eta 14an Agurainen egongo da. Agurainen, gainera, ehun produktiboaren suntsiketa salatuko dute ekimenaren baitan. Arabako azken geltokia, Laudio izango da, abenduaren 1ean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
