Gaurkoan Maria Medina, frankismoko Alacanteko kartzelako preso baten alabak idatzitako olerkia “Las miseriade sus crimenes” errezitatzen entzun dugu. Honekin lotuta kartzelako olerkarien istorio haietan inspiratzen den “Entre poetas y presos” La Raiz Gandiako taldearen diskoko izen bereko abestia ere entzun dugu. Eta nola ez… 3.moduloko anonimoekin gure harremana gaiztotuz doa!!! Gaurkoan beraien txanda izan da, baina gure erantzuna ez da atzean geratuko. Ez dugu barkatuko!!! Aupa zuek!!!

– ¿Las revoluciones son también guerras?
– Violencia y no violencia
– Lucha armada ¿Revolución?

UHINTIFADA 448. Iragan urtarrilaren 26an Israelgo armadak sarraski odoltsua burutu zuen, beste behin ere, Jeningo errefuxiatuen kanpamenduan. Erasoan 11 lagun erail eta hogeitik gora zauritu zituzten. Triskantak erresistentzia ekintza isolatu kate bat eragin du Zisjordanian eta Jerusalemen, eta okupazio indarrek bortizki erantzun dituzte palestinarren oldarraldiak. Bestetik, Israelgo eskuin muturreko gobernuak lege erreforma berriak iragarri ditu, bertako populazio palestinarraren askatasuna areago murrizteko, besteak beste, zigor kolektiboak proposatu dituzte erresistentzia ekintzetan parte hartu duten ekintzaileen senitarteko eta ingurukoen kontra, eta kolonoen artean armen erabilera liberalizatzea ere ebatzi dute. Zisjordaniako, eta bereziki Jeningo, testuinguru historikoa eta gaur egungo egoera aztertzeko Mazzed Khalilia izan dugu gonbidatuta gure mikrofonootan. Khalilia Kataluniako palestinarren komunitateko kidea da eta Jeninen du sorterria.

Gaurkoan, gurean ohikoak diren kolaboratzaileak beste behin maitasuna lau haizeetara zabaltzen, eta 3.moduloko anonimoek egurra eman digute… baita oparitxo goxo bat ere… Amaitzeko Irati Jimenezen elkarrizketaren 2.atala eta bere liburuaren zozketa burutu dugu. Nori tokatuta ta gure “Katu” kuttunari!! Aupa zu!!!