Montauk taldeak disko berria aurkeztu du, “Ingalaterrako laino euritsuetara” hurbilduz
Montauk talde gasteiztarrak lan berria aurkeztu du, zazpi kantuz osatutako Geruzak izeneko disko luzea. Abenduaren 23an aurkeztuko dute Erraia zigilupearen baitan egindako lana Gasteizen, Oihaneder Euskararen etxean eskainiko duten kontzertuan.
Montauk taldea 2014.urtean sortu zen Gasteizen, 2016an argitaratuz lehen diska, Bilaketan izenekoa. Diska horretan zantzu amerikarrak sumatzen baziren, oraingoan, berriz, “Ingalaterrako laino euritsuetara” hurbiltzea erabaki dute, ambience-rock formatuan. “Kantu tradizionala oinarrian, baina konponketa berrinterpretatuekin”.
Erraia zigilupean argitaratutako lan berri honi Geruzak izena jarri diote, “gitarra, sinte eta programazioekin osatutako geruzek laguntzen dutelako kantua”. Zehazki, zazpi kantuk osatzen dute Jimmy Jazz estudioetan Sagasound-en gidaritzapean ekoitzitako azken lan hau.
Gainera, Libe Garcia de Cortazarrek eta Jon Basagurenek ere parte hartu dute diskoan eta Eneko Ugarteren ilustrazioek osatu dute diskoaren diseinu guztia.
“Hitzen balio literarioak narrazioen espaziora garamatza”, adierazi dute aurkezpenean. Kantautorea da Montauk taldearen oinarria, baina Euskal Kantangitza Berriaren zimenduak dira sustengua. Zentzu honetan, kantagintza herrikoiaren berrinterpretazioa da helburu, kantautorea XXI. mendean. “Sustraiak 60etako euskal kantangintzan dituen zuhaitz polinizatua”.
Lehen kontzertua, etxean
Montauk taldeak eskainiko duen lehen kontzertua Gasteizen izango da, Oihaneder Euskararen Etxean. Dataren berri ere eman dute: abenduaren 23a.
Hartzak hotzez hiltzen bideoklipa
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
