Uhintifada: Uhintifada 183: Nakba egunean ikasle mugimendua ere BDZ akademikoarekin bat
Aste honetako atalean Nakba egunaren ondorengoak izan ditugu mintzagai. Palestinan burututako protestaldien eta bertan Israelgo armadak erail dituen bi gazteen berri eman dugu. Bestetik, eta Euskal Herrian antolatu diren ekitaldien harira, ikasle mugimenduak agerraldi publikoa egin du BDZ kanpainiari atxikimendua emateko arlo akademikoan. Ikasleek Unibertsitatean jorratutako kanpaina horren berri emateko Ikasle Abertzaleak taldeko Leire izan dugu solaskide. Ikasle Abertzaleak, EH-Palestina SAREA osatzen duten eragileetako bat izanik, urteak daramatza EHU eta Israelgo erakundeen arteko harremanak salatzen. Oraingo honetan, gainera, beste zenbait eragile metatu dira BDZ kanpainarekiko atxikimenduari, besteak beste: Bilboko campuseko Ekonomia eta Enpresa Zientzien fakultateak; Gasteizko campuseko Farmazia, IVEF, Gizarte Langintza eta Letren fakultateak eta Naturarekin bat eta Letrak euskaraz ikasle-taldeak, Ibaetako campuseko Arkitektura eskola, eta Leioako campuseko Gizarte eta Komunikazio Zientzien fakultatea eta Irakasle eskola.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
