Gaur, azaroaren 25ean, Emakumeen Aurkako Indarkeriaren Kontrako Eguna dela eta, bi mobilizazio nagusi izan dira Gasteizen. Mugimendu feminista eta Itaia emakume langileen antolakundeak kalera atera dira indarkeria matxistaren aurka aldarrikatzeko.

Tangoa baino askoz gehiago zen Carlos Spagnuoloren La Tangería irratsaioa. Edo hobe esanda, tangoa bera tangoa baino askoz gehiago dela erakutsi zigun Carlosek. Eta Carlos, lokutore baino, maisu eta lagun dela entzuten zutenentzat. Gaur, omenaldia egingo diote Carlos Spagnuolori arratsaldeko 19:00etan, Luis Aranburu udal musika eskolan, Hedegile kaleko 108. zenbakian.

Gasteizko Extremadura kalean aurreikusita zegoen etxegabetze bat bertan behera gelditu da gaur goizean, dozenaka pertsonak mobilizatu eta Poliziarekin izandako talken ostean. Etxegabetze agindua Laboral Kutxak eman zuen, emakume bat eta bere adin txikiko alaba kaleratzeko asmoz.

"Indarkeria matxistaren aurka borrokatu" lelopean deitu dute manifestazioa Gasteizko Itaiatik hurrengo azaroaren 25ean. Andra Mari Zuriaren plazatik abiatuko da arratsaldeko 18:30ean. Deialdiari buruz eta deialdi aurretik egindako salaketa eta prestakuntza lanen inguruan hitz egin dugu Hizpidean.

Jon Basaguren eta Libe Kortazarrek, Izaki Gardenak taldearekin, "Orube", haien azken lana aurkeztu dute gaur Gasteizko Vinylora dendan. Aurkezpena intimoa eta hurbila izan da, bertaratutakoek zuzenean gozatu ahal izan dute taldeak disko honen eraikuntzaren inguruan transmititzen duen emozio eta berrikuntzaz.