Arabako herri inauteriak ez dira Gasteizera mugatuko
Badatoz Arabako herri inauteriak. Zalduondo, Urkabustaiz, Gasteizko Gaztetxea, AEK-ren gala, Alde Zaharra, SUmendi… Otsaileko bigarren asteburuan ospatuko den jaia ez da asteburura mugatuko. Deialdi ezberdinak bildu ditugu gurean.
Argazkia: alea.eus
Ostiralean, ohikoa den legez, AEK-k gala egingo du Gasteizko Kubik aretoan. Magika, musika, luntxa… egongo dira 19:00etatik aurrera mitologia oinarri hartu. Azken egunetan, mitologia hau azaltzeko hitzaldi ezberdinak egin dituzte, tartean, SUmendi Gazte Espazioan.
Urteroko beste hitzordu bat Urkabustaizko inauteriak dira. Otsailaren 9an, ostiralean, mozorro jaitsierarekin hasiko dute arratsaldea eta Ane Gebara ipuin kontalaria, Jonuren kontzertua… egongo dira Izarran.
Gasteizko Gaztetxeak sardina erretzen hasiko ditu inauteriak. 18:00etan hasiko da jaia eta kalejira eta kontzertuak egongo dira arratsalde/gauean. Azken asteetan, eguna prestatzeko tailerrak egin dituzte muinoko etxean.
Alde Zaharrean ere, burubelarri daude Goian taldeko kideak. Apur bat aurreratu eta ostegunean, otsailaren 8an, aterako dira kalera, Ostegun Landeroan. 15:30etan hasiko dira eta dantza eta kalejira egongo dira, aurreko egunetan prestatutako mozorroekin lagunduta.
SUmendi Gazte Espazioan ere 8an aterako dira kalera: txokolatada, mozorro tailerra eta aurpegi margoketa egongo dira Judimendiko parkean.
Arabako herrietan, Kuartangon, Ilarduian, Andoinen eta Eginon inauteriak ospatu dituzte jada. Larunbata, aldiz, ez da herrien eguna izango: Zalduondon otsailaren 11n aterako dira kalera, Kanpezun 13an eta Salcedon 17an.
Baina ez dira deialdi bakarrak izango. Kontestua aprobetxatuz, eragile ezberdinak kalera aterako dira eta ikuskizunak egingo dituzte. Horren adibide, Indarra Dantza Taldea: ostiralean ikuskizuna egingo dute Andra Maria Zuriaren plazan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
