Herri Txikiak Bat egitasmoa zabaltzen jarraitzeko hitzordua Mendiolan
Asteazkenean, abenduaren 11n, bilera irekia deitu du Herri Txikiak Bat egitasmoak, 19:00etan Mendiolako Etxe Zaharrean. through Alea.eus
Argantzonen antolatutako Herri Txikien Eguneko pankarta bat. / Argazkia: @HerriTxikiakBat
Udan zehar, Arabako herri txikiak “berpizteko” helburuarekin sortu zuen Herri Txikiak Bat proiektua Bernedo, Buradon Gatzaga, Urizaharra, Zanbrana eta Argantzongo gazte talde batek. Denborak aurrera egin ahala, herri txiki gehiago batu zaizkie; adibidez, Trebiñu, Korres edo Markinez.
Urriaren 12an, Argantzonen bat egin zuten Herri Txikien Egunean, egitasmoaren lehenengo ekitaldi publikoa izan zena. Arabako herriek dituzten gabeziak aldarrikatu nahi zituzten, egun osoko egitarauaren bitartez.
Lehen ekimena igarota, aurrera begira jarri eta proiektua zabaldu eta ezagutarazi nahi dute orain. Horretarako, asanblada irekia antolatu dute asteazkenean Mendiolan.
Bitartean, Herri Txikiak Bat egitasmoaren logoa aukeratzeko lehiaketa abiatu dute sare sozialetan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
