Asier Bengoa espainiaratu dute
Frantziako Estatuak Asier Bengoa Gasteizko euskal preso politikoa espainiaratu egin du otsailaren 5ean. Espainiaratzearekin, Bengoak Espainiako Estatuan ezarrita daukan kartzela zigorra osorik betearazi nahi diote orain.
Lannemezaneko espetxean zegoen Asier Bengoa eta behin Donostiako komisaldegitik pasata, Soto del Realen, Madrilen, sartu dute preso.
Espainiako Polizia Nazionalak 2003ko apirilaren atxilotu zuen lehenengoz gasteiztarra. Epaiketaren ostean, 2006ko azaroan, behin-behinean aske geratu zen.
Orduan, ihes egitea erabaki zuen Bengoak eta zazpi urte eta erdiko zigorra ezarri zion Auzitegi Nazionalak 2006ko azaroaren 21ea.
2007ko abenduan Frantziako Estatuan atxilotu egin zuten. Hamabost urteko zigorra ezarri zioten Frantziako Estatuan. Behin kondena hau beteta, espainiaratu egin dute han daukan zigorra betetzeko.
Asier Bengoa Lannemezaneko espetxean
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
