ARGAZKI GALERIA | Jende uholde batek babesa adierazi dio ostalaritza sektoreari
SOS Ostalaritza plataformak jendetza bildu du Gasteizko kaleetan. Sektorearentzako urgentziazko neurriak exijitu dituzte.
Pertsiana jaitsia dute gaurdanik Euskal Autonomia Erkidegoko tabernek, Nafarroan duela aste batzuk hartu zen neurri berdina. Ostalariek ordea, Hego Euskal Herriko lau hiriburuetako kaleak hartu dituzte, sektorea kinka larrian dela salatzeko.
Gasteizen jende uholde batek babesa adierazi die hiriko ostalariei Bilbo plazatik abiatu den manifestazioan. Antolakuntzaren arabera 6.000 lagunetik gora egin dute bat mobilizazioarekin. Jasotako babes guztia eskertu dute sektoreko langileek.
Egoerari aurre egiteko urgentziazko neurriak exijitu diete gobernuei. “Une oso txarrak” datozela adierazi dute ostalariek. “milaka pertsonen bizigaiarekin jokatzen ari direla” gogorarazi diete administrazio publikoei.
Argazki galeria
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
