O no será-Edo ez da izango: O no será: Gorputzon autogestioa
Irratsaio honetan gorputzon autogestioaz arituko gara. Horretarako azaroaren 3 eta 4an Donostiko Guardetxean burutuko diren Gorputzon Autogestiorako Jardunaldien egitarauan oinarritu gara.
Beraz hiru atalatan banatu dugu irratsaioa: autokoñocimiento, sexu osasuna eta desirak. Lehenengo zati horretan, autokoñocimiento eta esplorazio kolektiboaren inguruko azalpena eta kokapena egingo digu irratsaioko partaidea den Leirek. Bigarrenean, jardunaldietako sexu osasunaren inguruko tailerra dinamizatuko duen Eider elkarrizketatu dugu. Eta irratsaioaren azken partean, desiren atalean murgiltzeko eta hausnartzeko, hurrengo poemak ekarri ditugu gurera: BERANDU BAINA GOIZEGI, Mari Luz Esteban (2013); ASKO IBILI OHI DIRA, Ione Gorostarzu (2012) eta Miren Agur Meaberen «Azalaren Kodea» liburutik hartutako poemak.
Eta irratsaioa girotzeko hurrengo kantak entzungai izango ditugu: “Ezagutzen zaitut” (Bidarrai 2013), Brenda Fassieren “Vulindlela” eta Mor Moreren “Paradisua”.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
