Erraietatik: ERRAIETATIK vol. 49 | Dorre zaharraren sinfonia
Bidezidor berrietan murgildu gara aste honetako irratsaioan ERRAIETATIKeko ume basatiok. Helburua argia da: Gasteizko eszena musikala ondo ezagutzea. Eta, bide batez, ikerketa bera doinu basatiekin ontzea. Irratsaio formatu berri hau estreinatzeko ume basation lagun on bat gonbidatu dugu: Rufo. Elkarrizketa pausatua, sakona eta adiskidetsua izan dugu Old Tower Stuffeko jabearekin.
2018ko Azkena Rock Festival musika jaialdia aitzaki, ekainean ireki zituen ateak Old Tower Stuff dendak. Musika eta arropa denda honetan, 6.000 diska desberdin topa daitezke, den-denak biniloan. Hilabete gutxietan Gasteizko musikazaleentzat erreferentzia-puntua bihurtu da, hiriko eszena musikalak behar zuen binilo-zuloa. Eta horrela, adin guztietako binilozale eta fetitxista sutsuak egiten dute bidea Old Tower Stufferaino.
Old Tower Stuff │Gasteiz Hoy
Arestian esan bezala, Rufo da Old Tower Stuffeko jabea. Hamaika borroketan eskarmentua hartu ostean eta bere bide naturalari jarraiki erabaki du denda irekitzea. Antzinatik musikaren azpimundura estuki lotuta egondakoa da Rufo, ordea. Ezaguna da, batez ere, Mossin Nagant punk-oi! talde mitikoaren kidea izateagatik. Horretaz gain, musika jartzaile moduan edo musika-sustatzaile lanetan aritutako da.
Gauzak horrela, ezinbestekoa izan da Rufo gurera gonbidatzea. Poltsa bete biniloz, Hala Bediko estudioetara etorri zaigu eta ordu betez mintzo egin gara garagardo artean. Hamaika izan dira landutako gaiak: Old Tower Stuff irekitzearen abentura, biniloen osasuna, Gasteizko musika eszena…
TRACKLIST
01. SHAKE! – My Boy
02. MAMBO JAMBO – El Timo
03. GLUECIFER – Suck City
04. RATA NEGRA – Ellos Saben
05. PETER PAN SPEEDROCK – Heatseeker
06. PLEASURE FUCKERS – Super Real Fuck
07. LOS BENGALA – Jodidamente Loco
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
