“Euskaraldia zigoitiar batentzako” -Aitor Lizarralde-
Eskatu dizkidate Euskaraldiarekin bizitako lehen sentipenak, eta nire kasuan hau ez da izan 23an bat-batean piztu zaidan deialdi bat.
Baina bai izan da abiapuntu bat nire buruari, ingurukoekin eta ezezagunekin, jarrera bat kanpora aterarazteko.
Nahiz eta hainbat arlotan Euskararekiko konpromisoa hartu, ekimen honek hausnartzeko aukera bat eman dit, nire erosotasunetik ahalegin berri bat egiteko.
Aitortu behar dut hasieran estualdi bat bezala ikusten nuela ekimena, zama gehiegi ote egingo zitzaidan hartutako paperarekin fidela izateko, baina martxan dagoenetik txapa eramateak barruko indar bat eman dit, batez ere ezezagunekin lehen hitza beti euskaraz izateko.
Oso pozgarria izan da gure herrian , hitz egitera hain ohitutak ez daudenak, egiten dituzten ahaleginak, hoiek bai txalotzeko eta gehio……!. Beraientzako, lotsak eta aurreiritziak gainditzeko gutxienez balio izan ba zaie,… Zorionak zuei!
Honekin guztiarekin, beste norbaitek esan duen bezala, benetako Euskaraldia ikusiko dugu 12. egunean, benetan argazki huts batean gelditu ez den, edo euskarari beste abiadura martxa bat sartzeko balio izan duen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
