Duela bi aste, lankide batek jasandako sexu-jazarpena eta ondoren enpresak estaltzeko jarritako mekanismoak publikoki salatu zituen FIASAko enpresa batzordeak (ELA, LAB eta UGT sindikatuek osatzen dute). Enpresarekin bildu ostean, honek jarrera aldatu ez duela adierazi dute langileen ordezkariek. Mobilizazio eta protestak iragarri dituzte. Otsailaren 10ean izango da lehen elkarretaratzea, 13:30etan FIASAko ate nagusian.

Judimendiko Batuta elkartasun sareak, auzoko beste hainbat kolektiborekin elkarlanean, inauterietako jaia antolatuko du otsailaren 25ean. Horretarako, bilera eta lan egunak egingo dira datozen asteetan.

Elkarretaratze jendetsua egin dute Laudion Euskalgintza Kontseiluak eta Aiaraldeko Euskalgintza Kontseiluak, hizkuntza eskakizunen gaineko epaiak salatzeko. Epaileek “euskararen aurkako oldarraldia” abiatu dutela adierazi dute, eta horren aurrean batasunez erantzuteko deia luzatu dute.

Hogeita hamar pertsona biluzik eta poltsa beltzez burua estalita agertu dira gaur goizean Gasteizen, Espainiako Gobernuaren eta Espainiako Poliziaren komisariaren ordezkariordetzaren ondoan, Euskal Herrian emandako milaka tortura kasuren aitortza eskatzeko. Sortuk antolatutako ekintza sinbolikoa izan da, torturaren “errealitate iluna argitara atera” eta aitorpena, erreparazioa eta ez errepikatzeko bermeak eskatzeko.

Euskalgintzaren Kontseiluak eta Aiaraldeko Euskalgintzaren Kontseiluak egin dute deialdi bateratua, euskararen normalizazioaren aurkako “oldarraldiari” erantzuteko.

Hizkuntza eskakizuna ez betetzeagatik Laudioko Udalean lanpostua galdu zuen langile bati arrazoia eman dio Gasteizko epaile batek, euskara “munduko hizkuntzarik zailenen artean bosgarrena dela” esanez. Europako Batasunaren direktiba bat baliatu du esateko “diskriminatzailea” dela 45 urte gorako bitarteko funtzionarioei euskara eskatzea.

Osakidetzak joan den urtarrilaren 21ean iragarri zuen Santiago Ospitaleko larrialdi-zerbitzua ixteko erabakia. Aurka agertu da Santiagoko Enpresa Batzordea, zerbitzua mantentzeko eskatzen du eta “murrizketa politika sistematikoa” salatu.

Una junta israelí había rechazado en diciembre conceder la libertad condicional a Juana Ruiz, conocida como Juani Rishmawi, trabajadora humanitaria en Palestina y colaboradora de Hala Bedi.

Sarek eta Etxeratek deitu dute mobilizazioa eta babesa eman dio Salhaketa Arabak. Covid-19a dela eta orain galdu diren komunikazioak berreskuratzea eskatu dute eta presoen osasun-baldintzak hobetzeari lehentasuna emateko garaia dela aldarrikatu.