“Mundua leku den lurra” -Iñaki Lazkano-
Horrela, Euskal Herria, esaten diogu zapaltzen dugun lurrari.
Horrela, Euskal Herria, esaten diegu ustiatzen ditugun inguruko barrunbeei.
Horrela, Euskal Herria, esaten diegu fabrikaz eta langile zanpatuz jositako auzo, herri eta hiriei.
Horrela, Euskal Herria, lehen trenek eta orain paterek ekarritako gizaseme eta emakumez
osatutako gizarteari.
Horrela, Euskal Herria, eta ez bestela, euskara subirano ez den lurraldeari.
Baina, gaur, egun hemen, honela eta ez horrela nahiko genuke zapaltzen, ustiatzen, josten,
osatzen eta izaten dugun lurra, barrunbea, auzo, herri, hiri, gizarte eta lurraldea.
Honela, naturarekiko errespetu guztiaz ekingo dion lurraren erabilerari.
Honela, eta ez bestela, modu jasangarrian ustiatuko diren barrunbeei.
Honela, giza zapalkuntzarik gabea, inoiz hiru euro orduko ordainduko ez duen lan harreman
sarea osatuko duen herriari.
Honela, abegikortasuna banderatzat hartu eta elkartasunak biziko duen gizarteari.
Eta honela, ostiraleko greba feminista orokorrera bandera morea eskuan eta euskara ahoan
darabilten eta kalera aterako diren emakume oldeari… horri deituko diot Euskal Herria.
Herri borrokalariari, iraultzaileari, bidegabekerien aurka altxatzen denari.
Honela eta ez horrela, guk nahi bezala, guk eraiki moduan.
Iñaki Lazkano
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
