TUVISA-ko langileek greba mugagabea egingo dute Final Four-eko asteburutik hasita
Lehen greba egunak maiatzaren 6a eta 13a izango dira; 17tik aurrera greba mugagabea deitu dute.
Otsailean, gerentziarekin bilera ezberdinak izan ostean, TUVISA-ko langileek eskaera batzuk jarri zituzten mahaiaren gainean, baina oraindik ez dute erantzunik jaso. Hori dela eta, martxoan iragarritako grebarekin jarraituko dute: Gasteizko autobus zerbitzuko langileek greba egingo dute maiatzaren 6an eta 13an, eta mugagabea 17tik aurrera. Maiatzaren 17tik 19ra turista asko espero dira Arabako hiriburuan, Final Four-eko asteburua baita.
Langileek frekuentzia handiagoa eskatzen dute linea ezberdinetan, EPE berri bat, autobus-geltokian txoferrentzat komunak jartzea eta jubilazioak bermatzeko akordio berri bat, besteak beste. Zentzu honetan, enpresa publikoaren partetik konpromisoak eskatzen dituzte.
Azken orduetan, Enpresa Batzordeak egin duen proposamena aurrera atera da, Udalarekin izandako negoziazioek berriz ere porrot egin ondoren.
Martxoa erdialdeko bozketan 385 langile zeuden deituak bozkatzera eta, guztira 253 kidek bozkatu zuten (%65,70%):
- Bai 184 (%77,96)
- Ez 46 (%19,49%)
- Txuriak 6
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
