Lopez de Abetxuko, kalean
José Ramón López de Abetxuko gasteiztarra kalean da jada. Uztailaren 5eko goizean atera da Villabonako espetxetik, Asturiasen.
López de Abetxukok 31 urte egin ditu guztira preso eta larriki gaixo egon den preso politikoetako bat da. Egun, oraindik ere, gaixorik dago. Hala ere, kondena osorik betearazi diote, azken egunera arte, larriki gaixo egon arren. 68 urteko adina du Lopez de Abetxukok.
Lopez de Abetxukoren askatasuna Gasteizen eskatzeko egin diren ekimenak hamaika izan dira. Besteak beste, osasun arloko 595 sinadura eta beste 2.538 gasteiztarren sinadurak bildu zituzten 2014an, PSE, EAJ eta EH Bilduk honen askatasuna eskatuko zuen zentsura mozio bat sinatzeko balio izan zuena.
1986an Frantzian lehenengoz atxilotu zutenean, hiru urte eman zituen kartzelan. Espainiako Estatuak ez ditu hauek kontutan hartu espetxealdiaren zati bat kentzeko. Beraz, 31 urte egin ditu preso kalean geratu aurretik.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
