O no será-Edo ez da izango: Kuirra al da Gasteizko gaua?
Gaurko saioan Satelite taberna eramaten duen Viviana Cavazosekin egon gara. Bestalde, Leire Vargasekin Señora Sariketaz eta Sateliten egongo den bollo bertso saioaz hitz egin dugu.
Zer diozue? ba al dago kuirrik Gasteizen? nolakoak dira azkenaldian gauak? abestiak zioen bezala, ilunak dira Gasteizko gauak? Horretaz hitz egingo dugu gaur.
Satelite Tabernako Vivianarekin egon gara eta kuirra den espazio honetaz hitz egin dugu, poliki-poliki lekua egin duena Gasteizen. Ekintza anitzak antolatzeaz gain, hegemoniatik kanpo sentitzen direnak/garenak bertan topatzen gara eta ongi pasatzen dugu.
Ondoren, Leire Vargasekin Señora Sariketaz eta bollo bertsoen inguruan hitz egin dugu, ekainak 2an bollo bertso saioa antolatu baitute Satelite tabernan. Ondoren, jarraitzeko, Dj Pezón izango dugu. Gorde data!!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
