Poeta madarikatuak: Best-sellerren fenomenoa [2×08]
![](https://halabedi.eus/wp-content/uploads/2019/05/seda_2.jpg)
Irudia: Rébecca Dautremerren marrazkiak, Seda, Alessandro Baricco (Ed. Contempla, 2013).
Gaurkoan best-sellerren fenomenoari buruzko saioa eskainiko dizuegu eta nola landuko dugu gai polemiko eta zabal hau? Ba hasteko best-sellerren zerrendetako bat eskainiko dizuegu, bertan denok ezagutzen ditugun autore zein izenburuak agertzen direlarik. Ostean, atzerriko literatura sekzio oparoa izango dugu, izan ere, Alessandro Baricco handiaren lan garrantzitsuenaz hitz egingo dugu, “Seda”z, hain zuzen ere. Liburu hunkigarri eta kitzikagarri horren orrialdeetatik misteriozko klasiko bat aurkeztuko dizuegu, Agatha Christieren “And then there were none” edo “Y no quedó ninguno”. Hirukotea ixteko literaturaren munduan pisu eta sona handia duen Gabriel García Márquezen “Cien años de soledad” ikaragarriaz arituko gara.
Horien ostean, gaur egun filosofia irakasgaian derrigortzat hartzen ari diren Jostein Gaarderren “El mundo de Sofia” bikainaz zertzelada batzuk emango ditugu eta berriz ere misterioaren munduan murgilduko gara Daphne de Maurierren “Rebecca” famatuaren bitartez. Azkeneko atalean haurrentzako literaturaren klasikoetako bat berreskuratuko dugu, Maurice Sendaken “Piztiak bizi diren lekua”, zinez irakurtzea eta gozatzea merezi duen lana. Saioa amaitzeko Haruki Murakami autore japoniarraz mintzatuko gara eta bere lan ezagunetako bat aurkeztuko dizuegu, “Norwegian Wood” delakoa.
Abestien zerrenda:
- Malabareak – Kashbad (Arrakala, 2014).
- Dragonaut – Sleep (Sleep’s Holy Mountain, 1992).
- Seer – Witch (Witch, 2006).
Liburuen zerrenda:
- Seta (Seda) – Alessandro Baricco (1996).
- And then there were none (Y no quedó ninguno) – Agatha Christie (1939).
- Cien años de soledad – Gabriel García Márquez (1967).
- El mundo de Sofia – Jostein Gaarder (1991).
- Rebecca – Daphne du Maurier (1938).
- Where the wild things are (Piztiak bizi diren lekua) – Maurice Sendak (1963).
- Tokio Blues. Norwegian Wood – Haruki Murakami (1987).
Saioan landuko diren liburuetako batzuk
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!