Uztailaren 31n itxiko dute Aguraingo Sapem lantegia, eta Arcelor Mittalek 11 langile utziko ditu kalean. ELA sindikatuak erabakia gaitzetsi eta langileak inguruko plantetan birkokatzea eskatu du.

Covid-19ak sortutako egoerak GEU Eelkartearen hainbat ekintza eta diru iturri bertan behera utzi ditu, tartean, Gasteizko jaietan kudeatutako txosna. Hutsune horri aurre egiteko eta urtean zehar euskara sustatzeko ekimenak finantzatu ahal izateko "crowdfunding" kanpaina abiatu dute.

Bezeroak informatu eta norbanakoen ardura erregutuz, euskarri desberdinak jarri dituzte Aiztogile kalean zehar bertako establezimenduetako kideek. Udaletxeak gabezia nabaria duela salatu dute taskeroek "normalitate berriari" aurre egiteko ideia berri eta behin-behineko konponbideak bilatzerako orduan.

Sexu Askapenerako Nazioarteko Egunean, Arabako LGTBI+ mugimenduak deituta, manifestazio jendetsu batek zeharkatu ditu Gasteizko kaleak. "Eredu gay-kapitalistak" ekainaren 28a merkantilizatzeko egindako ahaleginak gogor salatu dituzte

Gardelegiko zabortegiko material plastikoek sua hartu dute gaur goizean. Urte luzez lindanoa metatu da Gardelegin eta hainbatetan isurketak gertatu dira Zadorra ibaira. Otsailean Zaldibarko zabortegira eraman behar zituzten"materialez-arriskutsuak" materialak ekarri zituzten bertara.

Gasteizko Santiago Ospitalean elkarretaratzea egin du Orain Ardura plataformak, AHTaren inbertsioa gizarte beharretara bideratzea eskatzeko. Horrez gain, mozioak aurkeztu dituzte Arabako udal guztietan.

Batallón Vasco Español erakundeak ETA-ko militante gasteiztarra erahil zuen 1979ko ekainaren 25ean Baionako Panecau kalean; auto bat hurbildu eta bertatik bertara tiro eginez hil zuten.