Trebiñu Araba dela argi gelditu da oraingoan ere, abstentzio maila handiak erakutsita. Trebiñu Araban integratzearen aldeko herri-borondatea errespeta dezatela eskatu zieten arduradun politikoei hainbat herritarrek joan den astean.

Manifestazio jendetsua egin dute Osasun Publikoa Aurrera plataformak deituta. 11.000 sinadura baino gehiago bildu dituzte dagoeneko, Santiagoko larrialdi zerbitzua itxi ez dadin.

2030a aurretik Gasteiz eta Iruñea arteko AHTren tartea eraikitzeko aurreikuspenik ez dagoenez, halakorik ez eraikitzea proposatu du Europar Batzordeak. Berriaren harira, AHT Gelditu! mugimenduak adierazi du abiadura handiko trena gelditzea oraindik posible dela.

Patronalak hitzarmenaren negoziazioa blokeatuta duela salatu dute. Otsailaren 14ko bileran egoera aldatuko ez balitz, lanuzteak eta grebak iragarri dituzte Arabako metalean.

Gasteizko eskola-komunitateek gogor salatu dute Arantzabelako erasoa, elkarretaratzeak egingo dituzte gaur.

Un informe presentado por el portavoz de EH Bildu de Iruña de Oca recoge los inconvenientes técnicos y perjuicios que la explotación avícola podría generar.

Erreportaje batean jaso ditu Etxebizitza Sindikatuak azken urteko jardunean oinarritutako esperientzia, testigantza eta analisi esanguratsuenak.

Ikastetxeko eskola komunitateak jazotakoa irmoki arbuiatu du.

Duela bi aste, lankide batek jasandako sexu-jazarpena eta ondoren enpresak estaltzeko jarritako mekanismoak publikoki salatu zituen FIASAko enpresa batzordeak (ELA, LAB eta UGT sindikatuek osatzen dute). Enpresarekin bildu ostean, honek jarrera aldatu ez duela adierazi dute langileen ordezkariek. Mobilizazio eta protestak iragarri dituzte. Otsailaren 10ean izango da lehen elkarretaratzea, 13:30etan FIASAko ate nagusian.

Judimendiko Batuta elkartasun sareak, auzoko beste hainbat kolektiborekin elkarlanean, inauterietako jaia antolatuko du otsailaren 25ean. Horretarako, bilera eta lan egunak egingo dira datozen asteetan.

Elkarretaratze jendetsua egin dute Laudion Euskalgintza Kontseiluak eta Aiaraldeko Euskalgintza Kontseiluak, hizkuntza eskakizunen gaineko epaiak salatzeko. Epaileek “euskararen aurkako oldarraldia” abiatu dutela adierazi dute, eta horren aurrean batasunez erantzuteko deia luzatu dute.

Hogeita hamar pertsona biluzik eta poltsa beltzez burua estalita agertu dira gaur goizean Gasteizen, Espainiako Gobernuaren eta Espainiako Poliziaren komisariaren ordezkariordetzaren ondoan, Euskal Herrian emandako milaka tortura kasuren aitortza eskatzeko. Sortuk antolatutako ekintza sinbolikoa izan da, torturaren “errealitate iluna argitara atera” eta aitorpena, erreparazioa eta ez errepikatzeko bermeak eskatzeko.