“Araba ez dago salgai” eta “Makroproiekturik ez” lelopean egin dute deialdia. Urriaren 26an elkartuko dira 18:00etan “etekin pribatuak bermatzera” bideratuta dagoen eredu energetikoa eta “instituzioek jokatzen duten papera” salatzeko.

Egun osoan zehar izango dira protesta ekimen eta jarduerak. Ikasle Abertzaleak, Aske, Ernai, eta Memoria Osoa plataformako kideak hiriko puntu ezberdinetan batuko dira. Jaiegun arrotz honen ospakizuna eta Guardia Zibilak hirian antolatu duen ekitaldia salatuko dituzte.

Urtero Hispanitatearen egunagatik Santsomendin egin izan duten ospakizuna Gasteizko Plaza Berrira mugituko du Guardia Zibilak Udalaren onespena jaso ondoren. Memoria Osoa plataformak ekitaldi bat antolatu du larunbaterako, Artiumen 10:30ean, “estatu-bortxak eragin dituen giza eskubideen urraketak ikusarazi" eta biktimekiko "babesa eta elkar-zaintza ariketa" egiteko asmoz.

Hegoak plataformak antolatu du ekimena Gasteiz Txiki elkartean, urriaren 10ean.

Gasteizen egindako 24 orduko baraualdia, larunbateko manifestazioa babesteko. Bilbon egin zen manifestazioa, Palestinako erresistentziaren alde, Estatu sionistaren eta haren konplizeen aurka.