Manifestazioa egin dute gaur Santiagoko ospitalearen inguruan, enpresa batzordeak deituta. Santiagoko larrialdi zerbitzuaren itxiera salatu dute eta osasun publiko duina aldarrikatu.

Martxoak 3ko biktimen elkarteak sare sozialetan salatu du bi elkarteek prentsan egindako filtrazio baten bidez jakin dutela M3ko memoria gunearen patronatoan parte hartuko dutela. Kudeaketa eredua haiekin kontrastatu gabe hartu izana ere kritikatu dute, urte bete baitaramate prozesu amankomun bat eskatzen, instituzio eta eragileekin.

Gaztetxea egungo kokalekura itzuliko ez dela jakinarazi dio tokiko erakundeak gazte asanbladari gaur goizean izan duten bileran.

Atzo gela bat okupatu zuten Magisteritza Fakultatean, baina EHUk ez die erabili ahalko dutenaren bermetik eman, salatu dutenez.

Gaur goizeko 10:30etan elkarretaratzea egin dute Magisteritza fakultatearen sarreran, antolakuntza politikorako eskubidea bermatu dadila eta gela bat ematea exijitzeko. Mobilizazio gehiago ere iragarri dituzte.