Hego Euskal Herriko gehiengo sindikalak martxoaren 17rako greba orokorra deitu du
Astelehenean erregistratu zuten ofizialki ELA, LAB, Steilas, Hiru eta Etxalde sindikatuek greba orokorrerako deialdia “Gutxieneko soldata hemen erabaki. LGS 1.500€. Soldatak hobetu aberastasuna banatzeko” lelopean.
Argazkia: LAB
Martxoaren 17a greba orokor eguna izango da Hego Euskal Herrian 1.500 euroko lanbide arteko gutxieneko soldata (LGS) propioa eskatzeko. Lan baldintzen “okertzea” eta “bizi-kostuaren igoeraren aurrean erantzun kolektiboa” emateko deitu dute greba sindikatuek. Hauen hitzetan soldatak ez dira bizi kostuarekin batera igo eta ondorioz langileen bizi baldintzak okertu egin dira. Gaineratu dute LGSren inguruko erabakiak Euskal Herritik urrun hartzen direla eta “azken urteetan enpresen eta kapitalaren irabaziak handitu diren bitartean langileek galerak izan dituztela”.
Gehiengo sindikalak eskaera argiak egin ditu. Batetik lanbide arteko gutxieneko soldata 1.500 eurokoa izatea, bestetik, erabakitzeko ahalmena izatea estatus juridiko-politikoaren berrikuntzarekin eta bukatzeko aberastasunaren bidezko banaketa.
Erantzukizunei dagokienez, sindikatuek patronalari, EAEko gobernuari eta Nafarroako Gobernuari begiratu diete. LABek prentsa ohar batean gehitu du esanez “ezin dela soldaten galera orokortuaren aurrean neutralitatea mantendu, ezta lan-baldintzen okertzearen aurrean albo batera begiratu ere”. Egoera aldatzeko eta gutxieneko soldata duin baten aldeko neurriak hartzeko borondate politikoa behar dela diote.
Gauzak honela, sindikatuek langileei dei egin diete mobilizazioarekin bat egin dezaten eta lan zentro, auzo eta herrietan antolatu daitezen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
