Herri Denda, Herri Mugimenduaren materialaren topaketa hilabete batez
Nobedadeen artean, aurten, elkartasun opilak egongo dira urtarrilaren 6rako. Hala Bedik ere, beste 13 eragilerekin batera, materiala jarriko du San Vicente aldapako gunean.
Abenduaren 5ean ireki ditu ateak Gasteizko Herri dendak, Herri Mugimenduaren materialaren topaleku izango den guneak. San Vicente aldapan kokatuta egongo den dendak (‘Fundi 2’ zaharra) eragile ezberdinen materiala izango du abenduaren 5etik urtarrilaren 6ra bitartean: Kalera Kalera, Gasteizko Gaztetxea, Sare Herritarra, Etxerat, Ongi Etorri Errefuxiatuak Araba, Berriztu Araba, Bilgune Feminista, Hala Bedi, Ernai, SUmendi Gazte Espazioa, Harrera elkartea, AskeRock, GES eta Askapena.
Ordutegiari dagokionez, astelehenetik ostegunera 17:00etatik 22:00etara egongo da zabalik. Ostiral eta larunbatetan, aldiz, goizez eta arratsaldez egongo da irekita eta igandeetan soilik goizez. Abenduaren 25ean eta urtarrilaren 1ean itxita egongo da eta jai egunetan goizez eta arratsaldez irekiko dute, zubiak barne.
Aurreko urteetan bezala, elkartasun tonbola egongo da, norbanako eta eragile ezberdinek oparitutako materaialarekin. Gainera, otzara handi bat zozketatuko dute urtarrilaren 6an. Herri dendan egongo dira boletoak salgai.
Nobedadeei dagokionez, aurten, elkartasun opilak egongo dira salgai. Bi aukera egongo dira eskuratzeko: dendan bertan edo etxera eramango dute urtarrilaren 6an bertan. Herri Dendan erreserbatu beharko da, abenduaren 31 baino lehen. Kopuru mugatu bat egongo da.
Materiala, eragilez eragile
Hala Bediren materiala, nobedadeekin
Herri dendan, aurreko urteetan bezala, Hala Bedik ere materiala jarriko du salgai. 2018ko urteurrena aitzaki, material berria egongo da salgai eta HalaBelarri egiteko aukera egongo da.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
