Erraietatik: ERRAIETATIK vol. XXIV | Gogoari eutsi!
Hilabete hauetan zehar uhinen bestaldean egon diren ume basatiak agurtu nahi izan dugu denboraldi amaierako irratsaio berezi honetan. Horretarako, ERRAIETATIK irratsaioaren oinarri izan diren Kutxikumeak gonbidatu ditugu irratsaiora, oso gonbidatu bereziak.
Bi Kutxikume izan dira gurekin Hala Bediko estudioetan, garagardo artean; eta hauekin batera kontrakultura & iraultzaren inguruko irratsaio honen lehen denboraldiko balorazioa egin dugu. Ondoren, pertsonala, musikala eta politikoa uztartuz, gure belaunaldiaren bizipenak jasotzeko solasaldi interesgarria izan dugu.
Amaitzeko, Aimar eta Manolo kutxikumeek ekarri dituzten hainbat gomendio kultural entzuteko aukera izan dugu: ‘Transmetropolitan’ komikia, ‘Braveheart’ pelikula eta ‘La Plaza de Urbina’ liburua.
Ideia berriekin eta jende berriarekin, etorri ginen bezala, geratzeko anbizioa dugu. Plazer bat, ohore bat izan da irratsaio honen lehen urratsak zuekin batera ibiltzea. Beraz, azken irratsaio honekin eta besarkada iraultzaile bero banarekin, irailera arte agurtzen gara. Gero arte, ume basatiok!
-
- ‘Transmetropolitan’ (Warren Elis & Darick Robertson)
-
- ‘Braveheart’ (Mel Gibson, 1995)
-
- ‘La Plaza de Urbina’ (Andoni Cabello)
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
