La Juaniren atean hiru txerritxo marraztuta daude, baina oraingoan ez da otsorik agertu. Poliziak etorri dira desalojoa gauzatzera. Poliziek bigarren pisua hustu duten arren, garaipen zantsuekin bukatu den desalojoa izan da. Izan ere, La Juanik, Judimendin jarraituko du.

Les Bobé Bobé antzerki taldeak Sukharte jaialdia antolatu du. Ekimenak arte eszenikoak eta buru ongizatea uztartuko ditu, eta urriaren 9tik 18ra bitartean hainbat jarduera antolatu dituzte Gasteizko txoko ezberdinetan.

Datorren urriaren 12an, Hispanitatearen Egunean, manifestazioa deitu du Aske Antolakundeak Gasteizen, "Asimilazioa borrokatu, indar errepresiboak suntsitu" lemapean. Manifestazioaz hitz egin dugu Askeko kideekin.

EHU Palestina taldeak elkarretaratzea egin du gaur Arabako campuseko errektoreordetzaren aurrean. EHUri Israel eta CAFekiko dituen harremanak eteteko exijitu diote.

Txago ekimena 2021an Gipuzkoan sortutako taldea da, eta estatu indarkeriaren erregistroa dokumentatzea du helburu: indarkeria poliziala jaso, gorde eta zabaltzeko tresna gisa aurkezten du bere burua. Polizia indarkeriaren 2025eko urteko txostena, Karrikaratu txostenaren hirugarren lana, aurkeztu zuten Errekaleorren joan den irailean.

Gutxienez, adingabeak dituzten hiru familia etxegabetu dituzte Gasteizen azken hamar egunetan. Gasteizko Udal taldea seinalatu du Sindikatuak, eta etxegabetzeen kontrako elkarretaratze bat deitu du gaur, 19:00etan, Andre Mari Zuriaren Plazan.

Guztira zortzi adingabe dituzten bi familia etxegabetze arriskuan daude. Abendaño Ikastolako komunitateak egoera salatu du, eta etxebizitza duina eskatu du familientzat.

Segi gazte antolakundearen aurkako polizia operaziorik handienean 34 lagun atxilotu zituzten 2009ko azaroan, eta guztiek torturak salatu zituzten arren, ez zen ikerketa judizialik abiatu. Horietako 30en kasuak ikertzea eskatzeko ekimen judizial kolektiboa iragarri du Euskal Herriko Giza Eskubideen Behatokiak.