Hala Bedi Irratiaren 2021-2022 ikasturteko parrila aurkeztuko dugu azaroaren 13an, larunbata. Goizeko 11:00etatik aurrera zuzeneko emisio berezia izango da Hala Bedi Tabernan, irratsaio berriak eta bestelako nobedadeak ezagutarazteko. Iluntzetik aurrera kontzertuak eta DJak izango dira Errekaleorren.

Arazoaren 4an, osteguna, elkarretaratzea egingo da Andra Mari Zurian "sionistak ongi etorriak ez direla" entzunarazteko. BDZ mugimenduak egin du deialdia.

Urriaren 24an emakume batek lau mutilen artean jipoitu zutela salatu zuen. Voxeko hautagai izandakoa zen emakumea eta jipotu zutenak "etorkinak" zirela salatu zuen. Gaur-gaurkoz, segurtasun kamaretan inolako frogarik aurkitu ezin dela eta, delituaren itxura egitea egotzi diote emakumeari.

Libe Garcia de Kortazar eta Jon Basaguren musikariek sortu berri duten taldeak lehen diskoa kaleratu du. Danilo Foronda izan dute lagun baxuan eta gitarra elektrikoan eta Dani Arrizabalaga baterian.

Txosten tekniko batek udalerrian izango dituen eragin larriak ohartarazi ostean, Iruraiz-Gaunako udala proiektuaren aurka agertu da eta alegazioak aurkeztea erabaki dute udal taldeek.

Joxe Agustin Iriondo, ‘Txusta’, hil egin da, 78 urte zituela. Oso ezaguna zen Gasteizen, eta haren taberna bertsolarien eta beste hamaika kolektiboren bilgune izan zen. Manex Agirre bertsolariak twitterren adierazi duenez, Arabako bertso-mugimenduaren aita-pontekoa hil da.