Eusko Jaurlaritzak 2021ean iragarri zuen Salburuako Insitutuko obrak 2022an hasiko zituztela, 2024-25 ikasturterako bukatzeko. Ordutik, baina, ez dute beste berririk izan. Errekabarriko Eguzki eta Salburua eskolako Aintzira guraso elkarteek agerraldi bateratua egin dute, Salburua auzoko institutua egitekoak diren lekuan, obren atzerapena salatzeko.

Asanblada irekia egingo dute astelehenean, martxoak 14, Judimendiko Auzo Elkartean. Judimendikoa den eta auzoaren komunitatearen parte izan nahi duen edonori zuzendu diote bilerara gerturatzeko gonbidapena.

Otsailaren 28rako zegoen iragarrita Juan II. kaleko "Juani" etxe okupatuaren lehen solairuaren desalojoa. Egun horretan ez ziren hustera etorri, eta gaurko igorri zuten bigarren agindua. Gaur goizeko lehen ordutik bertaratu dira polizia eta sarrailagileak, eta dagoeneko hustu eta tapiatu dute etxea.

Korrika eguna egin zuten larunbatean, Korrika Kulturalaren egitarauaren baitan. Martxoan eta apirilean beste hainbat ekimen ere izango dituzte, tartean, "erre. Aldarri bat bertsoz" antzezlana larunbat honetan.