Lander Perez Picazo artista gasteiztarra izan dugu gaur Hala Bedin. Atzerrian arte ikasketak egiten urte luzez egon ondoren, Gasteizen dago berriz ere, eta lanean jarraitzen du. Otsailaren 8tik erakusketa bat dauka martxan Arte eta Lanbide Eskolan, "Lehenik marrazkia izan zen" izenekoa. Artearen beharraz, bere ibilbideaz, erakusketaz eta beste gauza askori buruz hitz egin dugu.

Ainhoa Pardinak, Hizpideko euskara kolaboratzaileak, Edurne Azkarate aktorea elkarrizketatu du. Oiongo aktoreak Irati pelikulan hartu du parte, beste gauza askoren artean. Iratiko euskarari buruz, Oiongo egoera soziolinguistikoaz, bertsolaritzaz, euskal zentro eta periferiaz aritu dira, besteak beste.

Hertzainak taldeak behin betiko esan zuen agur Gasteizen urtarrilaren 6an emandako kontzertuan. Azkena gure alde bira txikiari bukaera eman zion ekitaldi hark Mendizabalan, 10.000 lagun baino gehiago bilduta eta euskal kulturgintzako hamaika gonbidaturen laguntzarekin.

EAJren Arabako buruetakoa zen Alfredo De Miguel, eta ustelkeria sare bateko lider bezala kondenatua izan zenetik Hazi sozietate publikoan egon da lanean 57.000 euroko soldatarekin.