Kurdistani elkartasuna adierazteko elkarretaratzera deitu dute Gasteizen, Turkiako Estatuaren azken bonbardaketen aurka
Turkiako estatuak beste erasoaldi bat hasi du, eta erresistentzia kurduaren 700 kilometroko lurraldea bonbardatzen ari da. Kurdistanen aldeko elkarretaratzea asteartean, azaroak 22, izango da Loma Jeneralaren Plazan, 19: 00etan, "Gelditu dezagun Turkiaren beste inbasio bat Kurdistanen" lelopean.
Kurdistanekiko elkartasun mugimenduek hilabeteak daramatzate gerra krimenak, gerra kimikoa eta sarraskiak salatzen, eta Turkiako Estatuaren beste erasoaldi baten berri eman dute orain: 700 kilometroko lurraldea bonbardatzen ari dira, erresistentzia kurdua garaitzeko asmoz. Kobane, Sengal eta Qendil, besteak beste, eremu horren barruan daude.
Kurdistango giza eskubideen urraketen eta erasoen aurka eta bere herriari eta borrokari elkartasuna adierazteko, Gasteizen elkarretaratzera deitu dute asteartean, azaroak 22, 19: 00etan Loma Jeneralaren Plazan.
Kurdistan okupatzen duten Estatuen eraso uholde berri bat jasaten ari da: Turkiaren bonbardaketak Siria iparraldean eta Iraken, gerrillaren aurkako arma kimikoak eta Irango Errepublika Islamiarreko herri altxamenduen errepresioa.
Talde solidarioek Irak eta Siriaren permisibitatea ere salatu dute, NATOko kide den armada turkiarraren okupazioaren aurrean; eta EBren eta nazioarteko erakundeen adostasuna eta isiltasuna.
Azken erasoetan, zehazki, NATOren parte-hartze zuzena salatu dute, Turkiak Americana Boeing enpresaren bonbak erabili baititu.
Turkiak eraso bortitzari ekin dio azken ordu hauetan. Bart gauetik hasi eta oraindik irauten duen bonba bidezko erasoa ari da egiten 700 km inguruko eremu batean kurduen erresistentziarekin akabatu asmoz. pic.twitter.com/4qPBMJZjpF
— Askapena (@Askapena) November 20, 2022
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
