Paroak egingo dituzte Alestis enpresan azken kaleratzea salatzeko
Gaur hasi dira Alestis-eko Enpresa Batzordeak deituriko lanuzteak. Hurrengo lau egunetan egingo dituzten mobilizazioekin urtarrilean kaleratutako langile baten egoera salatuko dute.
Alestis enpresan, gaur goizean, enpresa batzordeak egindako elkarretaratzea
Miñaoko Alestis enpresako langileek hurrengo lau egunetarako antolatutako lanuzteen lehena egin dute gaur eguerdian, 11:00etatik 12:00etara. Urtarrilaren 10ean enpresako zuzendaritzak egindako kaleratzea salatu nahi dute horrela. Enpresak langile bat kaleratu zuen Langileen Estatutuko 54.2.d artikulua baliatuta, hots, kaleratze disziplinario bat.
Langileen ordezkarien iritziz kaleratzeak «ez dauka izateko arrazoirik eta ez du legalki inongo sustengurik«. Kaleratzea justifikatzeko erabilitako argudioak «zentzurik gabekotzat» jo ditu enpresa batzordeak eta kaleratutako langileari egotzitakoak gezurtatu ditu. Kaleratze libre baten aurrean daudela salatu dute langile ordezkariek: «Enpresak gaitasuna dauka inongo arrazoi errealik eman gabe langile bat kaleratzeko, eta, okerrenez, bidegabetzat eman daitekeela eta diruarekin konpondu».
Alestis enpresaren jokabidea salatzeko lanuzteak egingo dituzte gaurtik hasita urtarrilaren 23ra arte, hiru txandatan: 11:00etatik 12:00etara, 16:00etatik 17:00etara eta 22:00etatik 23:00etara. Mezu argi bat bidali nahi diote zuzendaritzari, ez dutela kaleratze librerik onartuko.
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
