Luis Roncero iheslaria Gasteizera itzuli da
Luis Elisardo Roncero Retortillo iheslari gasteiztarra etxera itzuli da, bi hamarkadaren ondoren. Urte hasieran bueltatu zen Venezuelatik. Ez da Etxerat Elkarteak jakitera eman duen azken hilabeteetako itzulera bakarra: Anartz Aranbarri Etxaniz ondarrutarra aske geratu zen atzo, Venezuelatik iristean Espainiako Auzitegi Nazionaletik pasatu ondoren.
Luis Roncero 1998ko martxoan atxilotu zuten, Guardia Zibilak ETAko Araba Komandoaren aurkako operazio batean. 1999an, ETAren su-etenaren garaian, aske geratu zen epaiketaren zain. 2001ean, Auzitegi Nazionalean egindako epaiketan, Fiskaltzak 9 urteko espetxe zigorra eskatu zuen berarentzat, talde armatuko kide izatea egotzita. Orduan egin omen zuen ihes.
Hamar urte dira Euskal Iheslari Politikoen Kolektiboak Biarritzeko Adierazpena egin zuela, etxeratzea gatazkaren konponbiderako ekarpen gisa kokatuz. Etxerat elkarteak esan duenez, une honetan oraindik 18 erbesteratu eta 5 deportatu daude Euskal Herritik kanpo. Ospatu egin du Etxeratek, nolanahi ere, bi horien itzulera.
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
