Judimendiko gazteek auzoan bizi nahi dutela aldarrikatuko dute ekainaren 25eko manifestazioan
"Gure bizitzak proiektatu, Judimendin emantzipatu!" dinamika abiatu zuten ikasturtearekin batera, eta ekainaren 25ean etxebizitza ekubidearen eta auzoan bizitzeko eskubidearen aldeko manifestazioa egingo dute. Judimendiko jaien baitan izango da mobilizazioa, gazte egunean.
Judimendiko Gazte Asanbladak deitutako manifestazio bateko irudia, apustu etxeen aurka. 2019.
Judimendiko Gazte Asanbladak manifestazioa egingo du ekainaren 25ean, auzoko jaietako gazte egunean, auzoan emantzipatu eta bizitzeko eskubidearen alde. Urteak eman ditu asanbladak etxebizitzaren auzia lantzen, eta aurtengo ikasturte hasieran «Gure bizitzak proiektatu, Judimendin emantzipatu!» dinamika jarri zuten martxan. Ordutik galdetegiak eta lan komunikatiboa egin, zein datu estatistikoak lortu eta eman dituzte. Orain, mobilizazioarekin emango diote kanpainari jarraipena.
«Alokairuaren bataz besteko prezioa, etxebizitzaren bataz besteko salmenta prezioa… ez datoz bat gazteon prekarizazio egoerarekin eta gure guztizko ziurgabetasun egoerarekin. Gainera, ehundaka etxe huts ditugu auzoan eta hauek gazteontzako eskuragarri jarri ordez, erabilerarik gabe daude. Ez dauka ez hanka ez bururik.» Hala seinalatu du gazte asanbladak.
Egoerak erantzule zuzenak dituela uste dute, sistema kapitalistak eskubideak merkantilizatzen dituelako, «banketxe, inmobiliaria eta instituzioen engranajeen» bitartez. Erantzule horiei «aurre egiteko» beharra azaldu dute.
Gaztaroa eta bizi proiektua
Auzoan emantzipatzeko eskubidea aldarrikatzen du gazte asanbladak, gazteen bizitzen garapenan duen garrantziagatik: guraso edo senideen etxeetan norbere bizi proiektua gauzatzea ezinezkoa dela argudiatu dute, «autonomia maila oso baxua izatera eta menpekotasun konstante bat izatera» behartuak baitaude egoera horretan, «gurasoen autoritate figura» egonkortuaz batera.
Gainera, gurasoen etxean bizitzeak «harreman sozialak eraiki, nortasuna garatu eta politizatzea» ere oztopatzen dituela uste dute, elementu horiek guztiek gaztaroan duten garrantzia handiarekin.
Gauzak horrela, borrokan jarraituko dutela adierazi dute Judimendi auzoko gazte asanbladako kideek etxebizitza eskubidearen alde: «etxebizitza eskubidea delako, gure bizi proiektuak osotasunean eta ahalik eta modu duinenean garatu nahi ditugulako, Judimendi maite dugulako eta bertan bizi nahi dugulako».
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
